張國榮兩套經典電影將重新上映　4K版《白髮魔女傳》《夜半歌聲》再現巨星光彩

今年係哥哥張國榮逝世17周年，但因新冠肺炎（武漢肺炎）嘅影響，原本打算上映兩套全新4K修復版《白髮魔女傳》及《夜半歌聲》嘅東方影業，更被迫延期。

而昨日喺政府宣布放寬限聚令至8人及戲院重開後，東方影業就喺其Facebook宣布將於5月8號重新放映《白髮魔女傳》。

《白髮魔女傳》講述張國榮飾演嘅武當弟子卓一航戀上了邪魔妖女練霓裳，兩人戀情波折重重，最後卓一航誤會練霓裳，釀成悲劇。

電影於1993年拍攝，耗資5000萬製作、突破傳統武俠片模式，營造華麗嘅武俠世界。當年更奪得香港金像獎最佳攝影、最佳美術指導及最佳服裝造型設計添～

Photo from 東方影業Mandarin Motion Pictures Ltd

而另一套會喺5月21嘅重新上映嘅經典作就係《夜半歌聲》。

Photo from 東方影業Mandarin Motion Pictures Ltd

《夜半歌聲》則講述張國榮飾演嘅宋丹平與富家女杜雲嫣相愛，但卻遭杜雲嫣父母反對，宋丹平被毀容後藏喺黑暗處用歌聲來安慰雲嫣。

電影中張國榮唔單止係演員，佢仲為電影中嘅歌曲作曲亦主演；同時亦參與編劇同監製，身兼多職呀！

Photo from 東方影業Mandarin Motion Pictures Ltd

雖然戲院重開，但大家都要遵守最新嘅限聚令規定呀：入座率唔可以多於一半、唔可以多於8人坐埋一起、戲院影廳內不可飲食。

ext: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）